Innaallagissap qaminnerani ikuallattoqarneranik kalerrisaarisoqarpoq
Nuussuarmi Qinngutsinnilu innaallagissamik pilersuineq pissusissamisut ingerlaqqilerpoq akunnerit arlallit atorlugit ajoqutaasoq iluarsiniarneqareersoq.
- Innaallagissap sakkortuup kabel-ia aserorsimasoq innaallagissap qamikkaluarneranut pissutaavoq. Maanna illoqarfik tamakkerlugu innaallagissamik pilersuineq pissusissaminut ingerlaqqilerpoq, Nukissiorfiit innaallagisserisut ittuat Ujarak Kreutzmann KNR-imut taama oqarpoq.
Innaallagiarlu arfineq pingasup qeqqata missaani qamitsiaannartoq ikuallattoqalernerani kalerrisaarisoqarpoq. Qatserisartut biilii tungujortunik ikittaartitsillutik nilliatitsillutillu illoqarfimmut suliartorlutik biilertut saneqquavaat.
- Qujanartumik sunaaffa aalaq pilersimasoq ikuallattumit pujuunasorineqartoq kalerrisaarutigineqarpoq Nuussuarmi Pisiffiup akiani illumi aappalaartumi pilersimasoq. Kisianni erngerluni paasineqarpoq ikuallattoqanngitsoq. Sunaaffa inissiarsuarnut kiassaanermut atortut kissattoorluni aalamik pilersitsileraluarsimasoq, Nuup politeeqarfiani pigaartuusoq Gedion Quist KNR-imut taama oqarpoq.