Mittarfik Kulusuk Innaallagissamik pilersuineq ajutooqqavoq

Mittarfik Kulusummut innaallagissamik pilersuineq ajortissimavoq. Innaallagissiuut ajutoortoqartillugu atorneqartartoq atorlugu mittarfik innaallagissamik maanna pilersorneqarpoq. Mittarfik isumannaallisaanermi piumasaqaatit naapertorlugit innaallagissiorallarsinnaasumik taamaammat sillimmateqarunnaarpoq.
Allattoq Karsten Sommer
februaarip 15-at 2019 19:35
Nutserisoq Mads Lynge

Mittarfeqarfiit tusagassiutinut taama nalunaaruteqarput.

Innaallagissiornerup ajoquteqarnera pissutigalugu Mittarfik Kulusuup timmisartup atortui atorlugit mikkiartorfigineqarsinnaanissamut akuersissuteqarnini naammassisinnaajunnaarpaa, mittarfillu timmisartortatumit aatsaat takuneqarsinnaatillugu mikkiartorfigineqarsinnaalerluni.

Mittarfik Kulusuk tamanna pillugu silaqqippat silassamillu ilimasaarut ajunngippat aatsaat tikinneqarlunilu aallarfigineqarsinnaalerpoq. Mittarfik Kulusuk Kitaata Islandillu akornanni timmisartunut miffigineqarsinnaasutut aamma atorneqarsinnaajunnaarallarpoq.

Mittarfiup innaallagissamik pilersorneqarnerata piaarnerpaamik iluarsineqarnissaa Mittarfeqarfiit ulapputigaat, ajoaqutaami nassaarineqareerpoq, taartissaalu inniminnerneqareerluni.

Angalasut timmisartuussinernik allanngortoqaratarsinnaanerannik timmisartortitseqatigiinnut angalatitsisuminnut paassiniaaqquneqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq