Innaallagiaq qamikkallarneqassaaq
Nuummi illoqarfiup ilaani Nigerlermi innaallagiaq qamikkallarneqassaaq aqagu sisamanngornermi nalunaaqutaq 08.00-ip missaaniit ualikkut nalunaaqutaq 16.00-ip missaata tungaanut.
Allattoq Noah Mølgaard
Pisariaqartunik iluarsaanissat Nukissiorfiit suliarissavaat. Taamaattumik innaallagiaq qamikkallarneqartussanngorpoq.
- Tamatumunnga pissutaavoq innaallagissap aqqutaata atortuinik pisariaqavissumik taarsersuineq. Tamatuma akornutaasimasinnaanera ajuusaarutigaarput, Nukissiorfiit nalunaarput.