Januaarimit innaallagissap akia, akitsorani februaarip aallaqqaataanit aatsaat akitsussaaq.
Akitsornissaata naatsorsornera piffissaataajaasimasoq nukissiorfiit aningaasaqarnermut akisussaasuata Karsten Stounbergip nassuiaatigaa.
Naalakkersuisut aalajangernikuuaat akitsussasoq; taakkulu assigiinnik akeqartitsinissaq aalajangissavaat.
Innaallagissap akia kingullermik sumiiffinni assigiinngitsuni siorna septemberip aallaqqaataani akitsorpoq.