Innaallagiaarunneq: Kissartumik kiassarnermik imermillu ajornartoornermi amigaateqarneruit kommuni attavigiuk
Nuuk suli qaminngavoq oqartussallu illoqarfimmi qaqugu innaallagiaqaqqilissanersoq suli oqaatigisinnaanngilaat.
Nukissiorfiit, Tusass, Kommuneqarfik Sermersooq, qatserisartut Issittumi Sakkutooqarfik, Kalaallit Nunaannilu Politiit Nuummi innaallagiaqaleqqinnissaanut suleqatigiittut sinnerlugit Kalaallit Nunaanni Politiit taama allapput.
Innaallagiamik, imermik kiassarnermillu pinasuartumik amigaateqarnermi Kommuneqarfik Sermersooq attavigineqarsinnaavoq.
AAMMA ATUARUK Nuummi innaallagiaarunneq: Kommuni utoqqarnut sanngiinnerusunullu ikiuisinnaasoq
- Kommunimut ornigulluni saaffiginninnikkut imaluunniit oqarasuaammut +299 367281-imut sianerniarsaraluni saaffiginnittoqarsinnaavoq. Oqarasuaatilli attaveqaataat suli aalaakkaanngissinnaapput, oqartussat allapput.
Nukissiorfiit innaallagiaaruttoqarneranut kabelimili ajutoortoqarnera pissutaasorigaat Kalaallit Nunaanni Politiit siusinnerusukkut allapput.
Nuummi taamaallaat innaallagiaaruteqqanngilaq, illoqarfimmi sumiiffinni arlalinni erngup kuuffiini aamma imeqanngilaq.