Innaallagiaarunneq assortuussutigisimagunarpaat
Somaliamiu, pagginnermi peqataasoq, Radioaviisimut oqarpoq, aaqqiagiinnginneq tallimanngormat aallartittoq. Najugaqarfiit ilaanni, kalaallinit aamma ineqarfigineqartumi, innaallagiaarussimapput. Kalaallit tassani najugaqartut isumaqarsimapput, innaallagiaq Somaliamiunit qaminneqarsimasoq, taamaammat paggittoqalersimavoq. Tamannali kalaallinit ornittakkami paggiseqataasunit suli uppernarsarneqanngilaq.
Assortuuttoqalermat somaliamiut kalaallillu ornittakkamiittut paggisilerput. Puiaasat, anaattat saviillu sakkugineqarput, politiinillu aamma ilisimatitsissutigineqarpoq paggiffimmi ulimaammik nassaartoqarsimasoq.
Inuit katillugit 16-it tigusarineqarput, kalaallillu marluk aqqunartitingaatsiarsimasut napparsimmavissuarmut Rigshospitalimut unitsinneqartariaqarsimapput, inuuneralli navianartorsiorani. Somaliamiut sisamat ullaap-tungaali suli killisiorneqarput, sakkortuumik nakuusersimasutut unnerluutigineqarlutik.
