INI´p pisortaa sorarniuteqartoq
Inissiaatileqatigiiffik INI A/S nutaamik pisortaqalissaaq.
- Suliffiga nuannarisimavara, suliassat pissanganartut Kalaallit Nunaanni inissiaateqarnermut attuumassuteqartut suliarisarsimallugit, Kenneth. T. Hansen pisortatut tunuarminut atatillugu tusagassiuutinut nalunaaruteqarluni taama allappoq.
Inissiaatileqatigiiffimmi allannguutit ajunngitsut aallartinneqarsimanerat Kenneth T. Hansenip nuannaarutigai.
Inissiaatileqatigiiffimmi INI A/S-imi siulersuisuni siulittaasup Erik Nørskovip Kenneth T. Hansenimik suleqateqarsimanini nunnaarutigisimallugu oqarpoq.
Pisortap soraarniutaa tiguarput tamannalu uggoreqaarput, Erik Nørskov allappoq.
Kenneth T. Hansen marsip ulluisa 31ani suliunnaassaaq, taassumalu maannakkut ilisimanngilaa ilaqqutanilu nunatsinniiginnassanerlutik imaluunniit Danmarkimi nutaamik atorfeqalissanerluni.
INI A/S qaammatit marluk pingasulluunniit qaangiuppata nutaamik pisortaanertaarnissaa naatsorsuutigineqartoq, INI A/S-imi siulersuisuni siulittaasup Erik J. Nørskovip naatsorsuutigaa.