Inissiisarfinni sillimaniarneq qaffanniarneqarpoq
Taama isumaqarput Danmarkimi nunap immikkoortuini tarnimikkut napparsimasut katsorsarneqartarfiini qullersaanerit, taakkualu inatsisiliorneq sukannernerulersikkumavaat, Riisskovimi parnaarussat kalaallit sapaatip-akunnerata naanerani qimaagaluarnerisa kingorna, taama Ritzau allappoq.
- Eqqarsartaatsimikkut nappaatillit eqqartuunneqarsimasut atugarliornerpaat inatsisiliuunneqarnerat 5-10 procentit missaannik sukateriffigineqarnissaat pisariaqarpoq. Ullumikkut taakkua katsorsarneqarnissaat salliunneqarnerpaasarpoq, isumannaatsumillu paarineqarnissaat tassunga tulliusarluni. Taakkua paarlaatitikkumavavut, Bent Hansen, Danmarkimi nunap immikkoortuinut siulittaasuusoq oqarpoq.
Taanna nunap iluani pissutsinut ministerimik Bertel Haarderimik ullaap tungaani ataatsimeeqateqarpoq, Bertel Haarderilu aamma sukaterinissamut piareersimalluni.
- Oqartussaassuseqarnissamut assigiinngitsunik qimerloorneqaqqaartussanik piumasaqaateqartoq paasisinnaavara. Tamannalu piumassuseqarfigaarput, ilaatigut unnuakkut matup parnaarneqarsinnaaneranik apeqqut ilanngullugu, Bertel Haarder oqarpoq.
Ritzauip allaaserisaa naapertorlugu eqqarsartaatsimikkut nappaatilinnik eqqartuunneqarsimasunik suliaqarfiup nutarterneqarnissaanut ukioq manna 100 mio. koruunit immikkoortinneqarsimapput.
