Inissiisarfimmit qimaasoq nassaarineqarpoq
Angut 26-nik ukiulik Sisimiuni pinerluuteqarsimasunut inissiisarfimmit tallimangornerup unnukkuani qimaasoq, ippassaq pingasunngornermi politiinit tigusarineqarluni pinerluuteqarsimasunut inissiisarfimmut utertinneqarpoq.
Allattoq Louise M. Kleemann
Angut 26-nik ukiulik erngunnerup nalaani unataasimasutut pasineqarluni tallimanngormat poltiiinit tigummigallagassanngortinneqarpoq. Unnukkut nalunaaqutaq quligiluat qaangilaaginnaraat allamik peqateqarluni inissiisarfimmit qimaavoq, ipparsarlu aatsaat tigusarineqarluni.
Qimaaqataa nammineerluni arfininngornerup ingerlanerani uterpoq.