Inissiat pisoqqat ingutserneqalerput

Nuummi inissiat pisoqaanerpaat ilaat Tujummiittut blok A aamma L maannakkut imaajarneqaleruttorput qaammammi tullermi ingutserneqassallutik. Tamaani nutaanik sanaartortoqassaq.
Allattoq Ludvig Siegstad
marsip 21-at 2012 15:32

Kommuneqarfik Sermersuup kommunalbestyrelsiata ippassaq ataatsiminnermini blokkit Tuujumiiittut A-p L-illu ingutserneqarnissaannik siunnersuut akuersissutigaa.

- Inissiassat blok A aamma L pisoqalillutik najugarineqarsinnaasutullu naleqqukkunnaarmata Kommuneqarfik Sermersuumit kissaatigineqarpoq taakku ingutserneqarneqassasut. Ingutserneqareerpata tamaani inissianik nutaanik sanaartortoqassaaq, taama Kommuneqarfik Sermersuup kommunalbestyrelsiata ippassaq oqaluuserisassaanni allassimasoqarpoq.

Inissiat 1960-ikkut aallartissimalerneranni sananeqartut 32-nik inissiaqarput.

Kommunip illoqarfiup 2005-mit 2014-mut pilersaarusiorneqarneranut ilaatigut siunnersuutigineqarpoq, Tuujumi sanaartukkat ingutserneqarnerinut atatillugu suliniutigineqassasoq, Tuujummi sanaartugaajumaartussat tassaassaut inissiat utoqqarnut, innarluutilinnut tarnimikkullu aamma innarluutilinnut inissiaassasut.

Kommuneqarfik Sermersooq Tuujuk pillugu kommunip pilersaarusiorneranut immikkut ilassutiliorsimavoq. Ilassummi ilaatigut erseqqissaassutigineqarpoq ilassutip siunertarigaa Tuujuk ineriartortinneqarsinnaassasoq aalajangersimasumik immikkoortut nangeqqartaartumik, akisussaasulimmik ingutserisoqassasut.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq