Inissiat oqoqarfiusut nutarterlugit ilinniartunut ineqarfinngortinneqassapput
Blok 1-10-mi inissiat arlallit oqoqarnerat pissutigalugu maannakkorpiaq nutarsarneqarput. Taakkulu nutarsarneqareerpata Nuummi ilinniartunut inissiat 45-nik ilaneqassapput.
Allattoq Peter Troelsen, Simon Uldum
Naalakkersuisup Nick Nielsenip atorfimmini siuliminut Palle Christiansenimut akissutaani tamanna atuarneqarsinnaavoq. Taanna § 37 naapertorlugu Nielsenimut apeqquteqaatimini Naalakkersuisut aningaasanut inatsisissatut siunnersuutaanni qaammat una saqqummiunneqartumi ilinniartunut inissialiortiternissamut aningaasaliisoqarsimannginnera pillugu apeqquteqarpoq.
Nick Nielsenip erseqqissaatigaa Kujallerpaani ilinniartunut inissianut ingutserneqartariaqartunut taarsiutitut ilinniartunut inissialiortiternissamut aamma aningaasanik immikkoortitsisoqarsimasoq.