Inissiat inoqanngitsut nivinngaanikkut neqeroorutigineqartalissapput
Taamatut periuseqalernermut peqqutaavoq inissiat neqeroorutigigaluarlugit assigiinngitsut peqqutaallutik soqutigineqarneq ajornerat, taamaattumik inoqannginneri sapinngisamik sivikinnerpaaffiiniitinniarlugit tamanut ammasumik neqeroorutigineqartitsisarneq aallartinneqarpoq. Inissiaqarfinni allani pilerigineqarluartuni allagarsiinikkut neqeroorneq pisassanngilaq.
Najugaqarfiit taaneqartut allagartaliinikkut neqeroorutigineqartassapput:
H.J. Rinksvej Blok 1-10, Kongevej 9-11-13, Sinarsua, Sangoriaq, Saqqaa & Salliarnaq.
Inissiat inoqanngitsut saqqummiunneqartut arlaat soqutigigaanni aammalu inissarsiortutut utaqqisunut allatsissimagaanni, INI-p sullissiviata allffianut saaffiginnittoqassaaq paasissutissanillu immersuisoqarluni.
Soqutiginnittut piffissaliussatut nalunaarutigineqartup iluani saaffiginnittassapput.
Soqutiginnittunut piumasaqaatinillu tamanik naammassinnissimasunut sivisunerpaamillu utaqqisutut allatsissimasunut inissiat innersuunneqartassapput.