Nuummi Radiup qaqqaani, Blok 17. Assi: Toqqorsivimmit

Danielsen: Inissiat iluarsaassat kommunit tigussavaat

Namminersorlutik Oqartussat inissiaataannut iluarsartuuttariaqavissunut aningaasaliiniarneq ineqarnermut naalakkersuisup tunuarsimaarfigaa, kommunit tigusinissaat innersuussutigalugu.

Namminersorlutik Oqartussat inissiaataassa 6000-it missaqartuni iluarsartuunnissaannut ukiumut 90 millionit koruunit Inatsisartut ukiut tamaasa illuartittarpaat.  
Aningaasalli taakkuinnaat atoraanni iluarsaassaassat ukiut 16-it qaangiuppata aatsaat tamakkersimassasut naalakkersuisoq oqarpoq.   

Taamaammat iluarsaaniarnermik suliaq sooq taama arriitsiginersoq, Ineqarnermut naalakkersuisoq aperaarput, taannalu ima akivoq:  
 - Kommunit pinngitsooratik tigusinissaat 2018-imiinnikuuvoq januaari, 19-imiinnikuuvoq aamma massakkut 20-imiippoq, kisianni arsaq kommuniniikkami ajoraluartumik, Karl Frederik Danielsen taama oqarpoq.

Tassalu Namminersorlutik Oqartussat inissiaataasa kommuninit pigineqalernissaat taassuma utaqqivaa.  

AAMMA ATUARUK Nunatsinni inissiat affaasa missaat nutartertariaqarput

Namminersorlutik Oqartussat kommunillu 2016-imi isumaqatigiipput, pisortat inissiaataat tamakkerlutik kommuniniilissasut. Isumaqatigiisulli suli piviusunngunngilaq.

Namminersorlutilli Oqartussat inissiaataat kommuninut tunniutsinnagit, kommunit ineqarnermut pilersaarusiornissaat Naalakkersuisut piumasaqaatigaat.

Kommunit inissianik ilaatigut aserfallassimaqisunik tigusinissamut piareeqqanerat assigiinngeqaaq.
Kommueqarfik Sermersooq aamma Kommune Qeqertalik Namminersorlutik Oqartussat inisiaatannik tigusinissamut piareeqqajaapput. 
- Tassa piareersarpugut aap. Aamma piareeqqasutut oqaatigineqarsinnaavoq, Kommune Qeqertalimmi borgmesteri Ane Hansen oqarpoq.

AAMMA ATUARUK Pisortat inaataani najugaqartut iluarsartuussinissamut utaqqisariaqarput

Qeqqata Kommuniata borgmesteriata Malik Berthelsenip aamma ineqarnermut tigusinissamik isumaqatigiissut aalajangiusimavaa.
Kisianni Avannaata Kommuniani aamma Kommune Kujallermi taama piareeqqatiginngillat. Inissiat qanoq aserfallatsigisimanerat iluarsaannissaannullu qanoq aningaasartornartigissanersoq paaseeqqaarusuppaat.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat