Inissiarsuarni najugaqartut akiliutaat INI-mit qaffanneqalerput

Inissiarsuarni Namminersorlutik Oqartussanit pigineqartuni ineqarnermut akiliutigineqartartoq aamma qaffattussanngorpoq. Najugaqartulli allagarsitinneqannginnerini ineqarnermut akiliutit pillugit malittarisassat allanngortinneqassasut, Naalakkersuisut neriorsuutigaat.
Allattoq Louise M. Kleemann
oktobarip 01-at 2009 10:05

Inissiarsuarni iluarsaassinissaq annertungaatsiartumik kinguaattooruteqarfiusoq qaffaanermut tunngavilersuutigineqarpoq. Inissiarsuarni najugaqartut ineqarnermut akiliutaat marsip aallaqqaataa 2010 aallarnerfigalugu qaffatsinneqassapput, qaffaanerli qanoq annertutigissanersoq suli aalajangerneqanngilaq.

Ineqarnermut akiliutit sapinngisamik appasinnerpaatinniarlugit najugaqarfiit ataatsimut kattunnissaat, Naalakkersuisut aamma aalajangerpaat. Ineqarnermut naalakkersuisup Jens B. Frederiksenip oqarnera malillugu ersarinnerusunik assigiinnerusunik paasiuminarnerusunillu tunngavissaqarnissaq siunertaavoq.

Najugaqarfinni ingerlalluannginnerusuni, qaffasissunik ineqarnermut akiliuteqartitsivioreersuni ineqarnermut akiliutinik annertuumik qaffaanernik eqqorneqarnissaat naapertuutissanngitsoq Naalakkersuisut isumaqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq