Inissiaq Nuummi ikuallattoq
Nuummi inissiat ilaat ullaap tungaa ikuallammat qujanartumik inunnik ajoqusertoqanngilaq.
Allattoq Noah Mølgaard
Inneq igalaanit anillappoq Nuummi Qapiarfiusaami inissiat ilaat ullaap tungaa ikuallammat.
- Inuit marluk inissiamiit nammineq anisinnaasimapput nalunartullu pillugit napparsimmavimmi misissorneqareerlutik, Nuup politiivini pigaartuusoq Søren Bendtsen KNR.gl-mut oqarpoq.
Ikuallanneq qatserisartunit qamisarneqarasuarpoq erngiinnarlu paasinarsivoq ikuallannermut suna pissutaanersoq.
- Inimi naneruutit ikuallannermut aallarniutaasimapput, Nuummi qatserisartut ittuat Knud Petersen KNR.gl-mut oqarpoq.