Arfininngormat ullaassakkut nalunaaquttap sisamat qeqqata missaanni Maniitsumi inissiami ikuallattoqalermat, blokkimi najugallit tamarmik qimagutitinneqartariaqarsimapput.
Angut pujortartilluni sinilersimavoq, sininneranilu inissiaq ikuallalerpoq, nunguillunilu ikuallalluni. Pinerani ilaqutariit aqqaneq-marluk blokkiminngaanniit qimagutitinneqartariaqarsimapput.
Inissiami najugallinnik ajoqusertoqarsimanngilaq, politeerli ataaseq putsumik najuussuisoorsimavoq.
- Ajortulli tamaanga killeqanngillat, Maniitsup politiivini stationslederiugallartoq Eigil Lyberth oqarpoq.
- Aalakkuttut alapernaatsullu qatserisartut politiillu suliaannik akornusersuisimaqaat. Ikiuiartortunik assersuisimapput, arlallillu kamaatilersimallutik, arnat angutillu, Eigil Lyberth oqarpoq.