Inissiaatileqatigiiffik A/S Ini utoqqatserpoq

Utoqqatserpugut! Inissiaatileqatigiiffik A/S Ini tusagassiuutinut nalunaarummini taama allappoq. Uummannap eqqaani nunaqarfimmiut illuutillit ulluni kingullerni INI A/S-imit allaffigineqarput boligstottemik illuutiminnut tunngatillugu pulaarneqarumaartut siunnersorneqarlutillu.
Allattoq Elisa Isaksen
juunip 23-at 2008 16:56

Uummannap eqqaani Saattormiunut allakkani, aqqaneq marluusuni, allattuiffik ilanngunneqarsimavoq, tassani allaqqalluni illut normui, piginnittut aqqi, kiisalu akiligassaasa sinneri.

INI tusagassiuutinut nalunaarummini allappoq, angisuumik kukkusoqarnerarneratigut taama pisoqarsimasoq. Tassami allattuiffiit nassiunneqaratik allaffeqarfimmi pigiinnarneqartussaagaluarput.

- Illuutillit pineqartut tamarmik utoqqatsissutinik allagarsitinneqassapput, taamatut pisoqarnera annertuumik ajuusaarutigineqartoq

Utoqqatsissutigineqartorlu nalunaarutigalugu, A\S INI tusagassiuutinut taama allappoq .