Ininik attartortut kattuffiliulerput
Sinerissamilu illoqarfinni ineqartut peqatigiiffii suleqatiginiarneqassapput. Kattuffilioqataasussaq Uvdlo Hansen A/S inissiaatileqatigiiffik INI-mut illuatungiliuttumik pilersitseqataanissamik siunniussisimavoq.
-Ineqarnermut akiliutit tassungalu attuumassutillit ineqartunit illuatungilerlugit, aamma piginnittut ineqartunit illuatungilerneqarsinnaannginnerat pillugu ineqartut peqatigiiffii kattuffittaartariaqarput.Uvdlo Hansen oqarpoq, taassuma illoqarfinni avannaani tunumilu ineqartut peqatigiiffianni siulersuisoqanngitsut siuilersuisoqalernissaat kajumissaarutigaa. Ilanngullugulu oqaatigaa Namminersornerullutik Oqartussat Kommunillu inissiaataanni najugallit peqataallutik suleqataasut.
Kattuffiup suna suliniutigissavaa?
-Kattuffiup nuna tamakkerlugu ineqartut peqatigiiffiisa nukittorsarnissaat sulissutigissavaa. Piginnittunut – Namminersornerullutik Oqartussanut illuatugiliuttuunissaq, tassalu ineqartut apeqqutaannik sallerpaatitsilluni sulissutiginninnissaq, Uvdlo Hansen oqarpoq.
