Inimut akiliut ukiortaami qaffassaaq

Eqqugaanerpaasussat tassaapput Naalakkersuisut taakkullu atorfilittaat. Taakku ineqarnermut akiliutaat 50 procentimik qaffassaaq. Namminersorlutik Oqartussat nalunaarutaat malillugu oqummut akiuiniarneq akissaqartinniarlugu tamanna pisussanngorpoq.

Ineqartut akiliutaat allanngortinneqassaq najugarisap pitsaassusaa apeqqutaatillugu. Tamanna assigiinngitsunut arlalinnut agguataarneqarsimavoq.

Ajoriinnagassaanngitsumik ineqaraanni akiliutip 180 koruuninik qaffannissaa naatsorsuutigisariaqarpoq, taamatullu nalilerneqartut tassaapput Ini inissiaataasa 0,6 procentii.

Ini naammaannartumik pitsaassusilik najugarigaanni ineqarnermut akiliut 100 koruunit missaannik qaffassaaq.

Naammaannartumik ajornerulaartumik najugaqaraanni akiliut agguaqatigiisillugu 60 koruuninik qaffassaaq.

Illumi pitsaanngitsumik taaneqarsinnaasumi najugaqaraanni ukiortaap kingorna 20-40 koruunit missaannik akiliinerusalernissaq ilimagineqassaaq.

Kommune Kujallermi suli aalajangiiffigineqanngilaq akiliutit qaffariaatissaat qanoq annertutigissanersoq.

Inimit erseqqissaatigineqarpoq aningaasat ineqarnermut akiut aqqutigarlugu akiliutigineqarnerulertussat ineqarfigissamut toqqaannartumik tuttussanngortinneqassasut, taakkulu aserfallatsaaliinermut pitsaanerusaanermut oqummillu piiaanermut atorneqassapput.

Ineqarnermut akiliutit qaffaatissaat pillugu apeqqutissaqaraanni Inip allaffeqarfii saaffigineqarsinnaapput.