Inimi pujortartarfimmi kaagisortoqarsinnaava?

Inimi pujortartarfimmi kaagisortoqarsinnaava? Aap, tamanna ajornanngilaq, kisianni inerteqqutaavoq. Tamanna Vejlemi suliassanngortinneqartumi takuneqarsinnaasoq, aviisimi Vejle Amts Folkebladimi allaaserineqarpoq. Suliassaq Socialdemokratit Folketingimut ingerlateqqippaat.
Allattoq Elisa Isaksen
februaarip 03-at 2010 06:45

Soraarnerussutisialik Aage Dano, Vejlemi utoqqaat illuata kaffisorniartarfianut Guldkrogs Cafémut kaffisoriartukulasuuvoq. Taanna kaffimik nassarluni pujortartarfiliartarpoq, taamaattorli pisarnini malillugu kaagimik nassarluni pujortariaqqusaajunnaarpoq. Taamaariarmat Sullivinnik Nakkutilliisoqarfimmut naammagittaalliorpoq, tassanngaanniillu init pujortarfigeqqusaanngitsut pillugit inatsit innersuussutigineqarpoq, inatsimmimi erseqqissumik allassimavoq, inimut pujortartarfimmut nerisassanik eqqussisoqassanngitsoq.

Socialdemokratit folketingimut ilaasortaatitaasa ilaata Sophie Hæstrup Andersenip kaagimik nassarluni pujortartarfiliarnikkut allanik akornusersuisoqarsinnaanera takusinnaanngilaa.

- Malittarisassat isumaliortaatsimut naleqqunnersut takusinnaanngilara, Sophie Hæstrup Andersen oqarpoq, taassumalu suliassaq Folketingimut ingerlateqqinniarpaa.