INI:Inissiat ikuallajaallisarneqarlutik sananeqartarput
Ilulissani ineqarfiit ilaanni inissiat marluk ataatsikkorluinnangajak qaammatit siulianni ikuallannerisa malitsigisaaanik Ilulissani inissiani attartortakkani najugaqartut peqatigiiffiat piumasaqarpoq, inissianit ikuallattoornermi qimaaffissiat pitsaanerulertariaqartut.
Ineqartut isumaqarput, inissiani quleriiajugaangata, inini qullerni najugallit qimaaffissaqaqqullugit tummeraasanik ikkussuisoqartariaqartoq.
-Aniariaqassagaluartut, taava pisariinnerusumik immaqa ikuallattoqartillugu aniasinnaaneri taakku eqqarsaatigalugit, Ilulissani ineqartut peqatigiiffianni siulittaasoq Jakob Schultz oqarpoq, Inissiarsuarni ikuallattoqalissagaluarpat aningasuarfissat pisariaqartinneqartut pillugit Ilulissani Atersuarni inissiarsuarmi ikuallattoqareersorlu taama oqarpoq.
Inissialli ikuallajaallisaanermut piumasaqaatit naammasseqqaarlugit sanaartorneqartartut, inissiaatileqatigiiffimmit A/S INI-mit oqariartuutigineqarpoq.
-Sunaluunniit, tassa brandstyrelsep, tassa qanoq ikuallattoortoqassangaluarpat sillimaniarnikkut taava periusissanut, illoqarfinni pigisanut, tulluuttuunersut aatsaat qulakkeeqqaarlugit sanaartorneqartarput, Else Løvstrøm inissiaatileqatigiiffimmi A/S INI attaveqaqatigiinnermut pisortaq taama oqarpoq, nassuiaallunilu iikkat matullu ikuallajaallisagaasut, ikuallattoqalissagaluarpallu annaassiniarnissamut piffissaqartoq.
-Tassa matut ukua, soorlu ikuallatoqalernissaanut illersuutitaqarput, taakku matut tamarmik matoqqangunik, taava minutsini 30-ni ikuallattoqartillugu illersuutaapput, taamaasilluni taakkua iluaniitilluni, annaanneqarnissamut piffissaq taanna naammattutut isigineqarnikuuvoq, ikuallattuulernissamut sillimaniartuninngaanniit, A/S Inimi attaveqaqatigiinnermut pisortaq, Else Løvstrøm oqarpoq, nassuiaallunilu inissiarsuit iigaasa akornini ikuallajaallisaaneq eqqarsaatigalugu sananeqartartut.
-Taakkualu tassa ikuallarujussuartoqaraluarpalluunniit 2 tiimini, taava taakkua sanilii innermik pitarneqarsinnaanngillat.Taamaasillutik ikuallattoqassagaluarpat, ikuallattup sanilia imaasiallaannaq ikuallalersinnaajunnaarlugu suliaapput, Else Løvstrøm oqarpoq.
Ilulissani ineqartut peqatigiiffianni siulersuisut isumaqarput piginnittut misissuisariaqartut inissiarsuit sillimaniarneq eqqarsaatigalugu qimaaffissianik amigaateqarnersut, tamannalu apeqqut piginnittut akisariaqaraat, A/S inimit attaveqaqatigiinnermut pisortamit oqaatigaa.
Ineqartut peqatigiiffianni siulersuisut isumaqarput, piginnittut inissiarsuit sillimaniarneq eqqarsaatigalugu aningasuarfissanik amigaateqarnersut misissuisariaqartut, apeqqullu tamanna Namminersorlutik Oqartussanit aamma kommuninit akineqartariaqartoq, A/S INI-mit oqaatigineqarpoq.
