Assi: INI A/S

INI A/S sinneqartooruteqartoq

A/S Inissiaatileqatigiiffik INI ippassaq marlunngornermi ataatsimeersuarpoq, suliffeqarfiullu aqqa aamma allanngortinneqarpoq, INI A/S-imik pisortatigoortumik taaguutigilerlugu.

Suliffeqarfiup naatsorsuutai ataatsimeersuarnermi soorunami saqqummiunneqarput, akuerineqarpullu. Suliffeqarfiummi naatsorsuutaasa takutippaat akileraarutit ilanngaatigitinnagit sinneqartoorutit 5,8 millionit koruuniusut, akileraarutillu ilanngaatigereeraanni 3,9 millionit koruunit sinneqartoorutaasut.

Isertitsissutaasimasut missingersuutinut ilaanngitsut siorna 2015-imi sinneqartoornermut pissutaasut INI A/S-ip tusgassiutinut nalunaarummi allaaseraa, soorlu aamma INI a7s-imi allaffissornikkut pitsanngorsaanerit angusaqarluarnermut patsisaaqataasimanerat nalunaarutigineqartoq.

INI A/S-ip siulersuisuisa siulittaasuat Jette Larsen taama oqarpoq.

INI A/S-ip ukiumut angusai Namminersorlutik Oqartussanit aamma naammagisimaarutigineqarput, inuiaqatigiinnullu iluaqutaasussamik suliffeqarfiup ineriartortinneqaqqinnissaa nuannaarutigineqartoq.

Ukiuni marlunni atuuttussamik tunngaviusumik aamma atuuttussaqarpoq, INI A/S-illu taanna anguiagaraa, pitsanngorsaanerit sullissilluarnerulernissallu aappaagu 2017-imi atuutilernissaat anguniagaasut oqaatigineqarpoq.

Siulersuisuni ilaasortat ingerlaqqipput, tassa Jette Larsen siulittaasutut ingerlaqqikkami, ilaasortallu sinneri tassaapput Carsten Pietras, Karin B. Orgland aamma Kristian May, sulisullu sinnerlugit ilaasortat tassaallutik Arnârak Z. Lennert aamma Michael Renner Petersen.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat