A/S Ini sakkortuumik isornartorsiorneqarpoq

Siumup allattaanerata Mikael Petersenip kommunerujussuarni politikkissaq anguniagassallu saqqummiullugit oqalugiarnermini tamanna nassuerutigaa.

“eqqaasimanngilarput immaqa kanngugigatsigu, INI-p innuttaasunut sullissinera sussaanngilaq, inuit atugarliortippagut Avannaa assersuutigalugu Uummannakkut Upernavikkut nunaqarfinni allanilu sussaanngilaq.

Inuppalaanngilluinnartumik ineqarnikkut ingerlatsivugut.

Kommunerujussuanngortitsinermi suliassarujussuaqarpugut.

taamak oqarpoq Siumup allattaanera Mikael Petersen.

Godmann Jensen Kangersuatsiaamiit peqataasoq oqarpoq isorliunerusuni sullinneqarneq pitsaanngilluinnartoq.

”Inissiaatileqatigiinniit neqeroorutinik periarfissanillu paasisitsiniaaffigineqarpugut Upernaviup kommuneani kisianni atorsinnaanngilagut inatsisit nutarteneqarsimanngimmata, pitsanngoriaateqanngilaq.

Taamak oqarpoq Godmann Jensen kangersutsiaamiit Siumup ataatsimeersuarnerani peqataasoq.

Inissiaatileqatigiiffimmiit oqaaseqartitsiniaraluaratta pisortaa ataatsimiimmat oqaaseqartissinnaasimanngilarput.