INI-p ineqarnermut akiliutit qaffaqqilerpai
Akiliutut qaffaataat assigiinngiiaassapput, inissiap pitsaassusia tamatumani aallaviussalluni. Ineqartulli ilaasa akiliutaat 10 procenti tikillugu qaffassapput. Sermitsiaq. AG ullumi taama allappoq.
- Inimut akiliutit januaarip aallaqqaataaniit qaffatsinneqarnissaannik attartortuvut ulluni makkunani allagarsiortorput, A/S Inimi attaveqatigiinnermut pisortaq, Else Løvstrøm, aviisimut nittartakkamut oqaluttuarpoq.
ineqarnermut akiliutit qaffannerisigut akilitut aningaasartuutivinnut naleqqussarneqassapput.
- Pisiniarfigisartakkavut kiffartortivullu arlallit akiutiminnik qaffaanikuupput, tamakkualu sillimaffigisariaqarpagut. Aamma inissiat aserfallatsaalinissaanut akissaqartariaqarpugut, Else Løvstrøm oqarpoq.
Inissiaatileqatigiiffiup inissiat assigiinngitsunut sisamanut immikkoortitersimavai, inissiat ataasiakkaat pitsaasusaat apeqqutaatillugit.
- Inissianut ajornerpaanut akiliutit 2 procentimik qaffassapput, inissianut pitsaanerpaanut akiliutit mens 10 procentimik qaffassinnaasut. inissialli 10 procntimik qaffaavigineqartussat ikittuararsuupput, Else Løvstrøm eqqissisaavoq.
Inissianut attartornermi akiliutit qaffannisaannut nalunaarutit illoqarfinni arlalinni agguaanneqareerput, nalunaarullu Nuummi ullumi ataaasinngornermi agguaanneqassalluni.