A/S INI-mit ineqarnermut akiliutit ukiortaamit nassuiaasersorneqartalissapput
Maannamut taamaallaat allassimasaraluarpoq ineqarnermut akiliut. Taamaalilluni sunarpiaq akilersornerlugu takuneqarsinnaanani. Taamaattumik ineqarnermut akiliutit suunersut allassimasalissapput.
INI A/S ullumi taama nalunaarpoq.
Akiligassami qaammammoortumi INI-meersumi akiligassaq tamakkerluni immikkoortitikkani takussutissaqassaaq assersuutigalugu piginnittunut, Namminersorlutik Oqartussanut qassit nakkassanersut, immikkoortortap ingerlanneqarneranut qassit akilerneqarnersut, kiisalu imermut kiassarnermullu qassit aconto-mik akilerneqarnersut.
INI A/S-ip neriuutigaa attartortut taamaalillutik akiligassat qaammammoortut ersarinnerusumik paasisinnaalerumaaraat.
Januaarimili 2014-imi akiligassami ajornartorsiuteqalaassaaq, tassanimi akiligassat nassuiaataat kalaallisuinnaq allassimassammata.
Nunatsinni ineqarnermut akiligassat allagartaat NETS-imiit isumagineqartarpoq, taakkulu kukkuneq ajuusaarutigaat.
Taamaattumik INI-mi attartortut qallunaatut oqaasillit februarimut utaqqisariaqassapput, akiligassat nassuiaataat kalaallisut qallunaatullu takkunnissaannut.