INI: Kiassarnernut akiligassiissutit utertinneqassapput
Sisimiuni ineqartut 500-t tungaanut amerlassusillit kiassarnermut iluarsiissutitut akileqqitaat utertikkallarneqartussanngorput. Tamanna pivoq naalakkersuisut siulittaasuata Hans Enoksenip akuliunneratigut.
Allattoq Louise M. Kleemann
apriilip 09-at 2008 08:17
Kukkussut Inissiaatileqatigiiffimmiinnersoq Nukkissiorfimmiinnersorluunniit paasiniarneqassasoq Kristian Lennert A/S INI-p siulersuisuini siulittaasua oqarpoq.
Akiliutut utertinneqareerpata sukumiisumik misissuineq aallartinneqassasoq,
tamatumalu kingorna suut tunngavigalugit akiligassiisimaneq paasineqarpat, naafferartumik akilersuineq aallartinneqarumaartoq Kristian Lennert-ip oqaatigaa. Taannalu suliassaq INI-mi atorfilittat suliaralugu aallartittussaavaat. Maajip 18-ata missaani kukkunersiuinerit allallu misissuinerit naammassippata ,ineqartut ataatsimiisinneqarumaartut Kristian Lennert aamma oqarpoq.
