INI A/S-ip pisortaa misissuisitsinialerpoq

Inissiaatileqatigiiffiup INI A/S-ip qalipaasunik ilinniarsimanngitsunik sulisulerluni inissianik ilumut qalipaatitsisarsimanersoq, pisortaata Kenneth Jørgensenip misissortinnialerpaa.

A/S Inissiaatileqatigiiffiup INI-p suliarinnittussarsiuinermut politikkianut eqquutinngimmat, Kenneth Jørgensen misissuisitsiniarpoq.

- Qalipaasunik ilinniarsimanngitsunik qalipaasitsisarsimassagutta iluarinngilara. Ulluni kingullerni pisut malinnaavigilaarsimavakka, isumaqarpungalu piffissanngortoq pissutsit aaqqiiviginiarneqarnissaat, Kenneth Jørgensen oqarpoq.

Nuummi qalipaasoq namminersortoq Kristian Kilime radioavisimut sapaatiummat oqarpoq INI A/S suliarinnittussarsioraangat neqerooruteqartarunnaarsimasoq, INI A/S-ip qalipaasunik ilinniarsimanngitsunik atuinera, taamalu akikinnerusunik atuinera, pissutigalugu unammillersinnaajunnaarsimagamikku.

Kristian Kilime neqerooruteqaraangami 8000 koruunit missaaniittarput, ilinniarsimanngitsullu neqeroorutaat 3500 koruunit missaannaanniittarlutik.

Pissutsit aaqqiiviginiarneqarnerat naqissuserneqarpoq Ineqarnermut Pisortaqarfimmit aamma iliuuseqartoqalersaarmat.

Immikkoortortami pisortaq Olafur P. Nielsen radioavisimut ippassaq oqarpoq qalipaasussarsiuinermi tunngavissat sukaterniarneqalersut, aaqqissugaanerusunngortinniarneqalerlutik.

- Suliarinnittussarsiuinermi qalipaasut namminersortut siornatigut suut suliarisarsimaneraat nalilertalissavagut, atortullu suut atorneqarsimanersut aamma paasiniarneqartalissapput, Olafur P. Nielsen oqarpoq.

INI A/S-ip tungaaninngaanniit iluarsiinialersaartoqarnerata saniatigut, Ineqarnermut Pisortaqarfik Sulisitsisullu Peqatigiiffiat, GA, kattullutik ajornartorsiummik aaqqiinialerput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat