INI A/S-imi attartortut 336 koruuninik akikillisaaffigineqalerput

Ukiumi 2007-imut sanilliullugu iluanaarutit pingasoriaatinngorsimasut, pisortap Kenneth Jørgensenip oqaatigaa. Attartortullu akikillisaaviginissaminnik ilimasoqquai.

- Sinneqartoornerput nuannaarutigeqaarput. Uagut aningaasaatiginngilavut, ineqartulliuku akiliutaat sinneqartoorutaasut.

Ineqarnernut akiliutaasartut nakkutigilluarnerisigut ineqartitavut ukiumut akiliutaannik 326,00 koruuninik akikillisaavigisinnaalerpavut, tamannalu tanngassimaarutigaarput, INI A/S-ip pisortaa Kenneth Jørgensen tanngassimaaqisoq oqarpoq.

Sinneqartoortutaasut init aserfallatsaalinissaannut atorneqarsinnaagaluarput. Naatsorsorneqarpormi siorna iluarsagassat katillugit 2,4 milliardinik naleqartut.

Kenneth Jørgensenilli erseqqissarpaa iluarsagassat annertungaarmata kialluunniit akilersinnaanngikkai, allatullu iliorluni aningaasalersorneqartariaqarluni.

Ukiarmili aserfallatsaaliinissanut aningaasat nuna tamakkerlugu atugassat annertussusaat paasineqarmata siunnersuutigineqarpoq atorniartarfinnit RealKredit-inik attartorluni akilerneqarsinnaaneri.

Apeqqummi tassani pingaarpoq iluarsagassat isatigassallu immikkoortinnissaat.

Maannalu ajornartorsiutip anigornissaanut aqqutissaqalerpugut, INI A/S-ip pisortaa Kenneth Jørgensen naggasiivoq.