INI Højesteretimut suliassiivoq

decembarip 02-at 2004 17:15

INI-p Højesteretimut suliassanngortitsinissani siunertaralugu pingajussaannik eqqartuussivilersuussinialerpoq.

Nuummi Atertami inissianik attartortunut ineqarnermut ukiuni arfineq-marlunni akiliisitsisoqarpallaartarsimasoq Østre Landsretip novemberip 17-iani eqqartuussinermi aalajangerpaa, INI-lu taamaaliortussaanani ajunngitsorsiassarsiortarsimasutut nalilerlugu.

Østre Landsretip aalajangernera INI-mi aqutsisut isumaliutigereerlugu akuerisinnaanagu eqqartuussivimmullu suliassanngorteqqinniarlugu maanna aajangerput.

- Østre Landsretip eqqartuussutaa akuerineqarsinnaanngilaq, eqqartuussut tunngavigalugu aqutsinermik ingerlatsinissamut periarfissaqartitsinngimmat. INI-p pisortaanera Kenneth H. Jørgensen tunngavilersuivoq.

Atertami najugaqarfimmik ingerlatsinermut annertunaarlugu INI-mit akiliutigitinneqarsimasut 2 mio.kr.-it Atertami ineqartunut 114-inut agguaanneqassasut Østre Landsretip aalajangerpaa, INI-milu attartortut sineriak tamakkerlugu 11.000-it missaanniittunit akornanni amerlanerit utertitsiffigeqqulissappata, 126 mio.kr.-nik naleqarsinnaasoq naatsorsorneqarsimavoq.