Inngikitsulik takornarianit nannunik takunnikkusuttunit ornigarneqarluartarpoq.Assi: Linking Tourism & Conservation/flickr

Ingikitsulimmi takornariaq nannumit saassunneqarami ajoqusertoq

Inngikitsulimmi takornariaq arnaq Frankrigimeersoq nannumit saassunneqarami talia ajoquserpoq inuunerminilli navianartorsiorani.

Norgemiut qeqertaanni Inngikitsulimmi takornariaq arnaq Frankrigimeersoq nannumit ippassaq ataasinngornermi saassunneqarami talia ajoquserpoq.

Inngikitsulimmi sysselmesteri, tasssa Norgemi naalakkersuisut Inngikitsulimmi sinniissuutitaat, Stein Olav Bredli, 
nittartakamini taama ilisimatitsivoq.

Arnaq taanna takornariaqatinilu 25-ullutik ingerlaaqatigiinnerminni saassunneqarpoq.

- Arnaq taanna talimigut ajoqusertoq ilisimavarput. Nannup qimaaneranik kinguneqartumik tungaanut eqqaassisoqarpoq, Stein Olav Bredli oqarpoq.

Arnaq qulimiguulimmik Inngikitsulimmi napparsimmaviliaanneqarpoq.

AAMMA ATUARUK Nunatsinni nannut 79-it 2007-imiilli toqunneqarsimasut

Nanoq arnamik saassussisoq siumorneqaqqippoq, siullermik qimaatinniarlugu tungaanut eqqaassisoqarpoq.

Nannulli tungaanut eqqaassisoqarmat ajoqusersimanera pillugu toqunneqarluni.

Aviisi Svarbardposten taama allappoq.

Inngikitsulik takornarianit nannunik takunnikkusuttunit ornigarneqarluartarpoq.

Ukiut marlungajaat matuma siorna tassa 2020-mi aggustip 28-anni angut Inngikitsulimmi tammaarsimaarfimmiitilluni nannumit saassunneqarami ajoquserneqarnini toqqutigaa.

Inngikitsulimmi nannumit toqutaasimasut katillutik arfiniliupput, siulleq 1971-mi pivoq.



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl