Ingerlatsiseqatigiiffik Facebookimi paasissutissanik tillittoq

Ingerlatseqatigiiffik Cambridge Analyticap facebookia atorunnaarsinneqartoq, Facebookip nalunaarutigaa.
Allattoq Ritzau
marsip 17-at 2018 18:26

Cambridge Analyticap 2016-imi Donald Trumpip amerikami qineqqusaarnera suleqataaffigaa, ingerlatseqatigiiffik facebookimi inunnit 50 millioninit ikinnerunngitsunit paasissutissanik akuersissuteqarani aallersimasoq, New York Timesip tuluillu nutaarsiassaqartitsiviata The Observerip nalunaarutigaat.

Tamanna Facebookimi paasissutissanik tillinniarnerit annersaraat.

Aviisit naapertorlugit præsidentissamik 2016-imi qinersinermi  qinersisartut kimik qinersinissaannik sunniiniarnissaq siunertaavoq.