Assi: Mittarfeqarfiit

Ingerlatseqatigiiffiit nunani allamiut pingasut mittarfiliornissamut aningaasaleerusuttut

Nuummi Ilulissanilu mittarfiliornissamut aningaasaleerusuttut nunani allamiut piareernerarput. Sanaartortitseqatigiit MT Højgaard, elektronikiliorfissuaq Siemens aamma danskit soraarnerussutisianut aningaasaateqarfiisa ilaat mittarfiliortitsinernut peqataarusupput.

MP Pensionip ilaasortai tassaapput tarnip pissusiinik ilisimasallit, magisterillu, aningaasaateqarfik 3 milliardit koruuninik Kalaallit Nunaanni mittarfiliornissanut aingaasaleerusuttoq, MP Pensionimi pisortaq Jens Munch Holst oqaluttuarpoq.

- Kalaallit Nunaanni ineriartortitsinissamut allani nassaassaanngitsunik assigiinngitsunik periarfissaqarpoq . Takornariartitsinermi periarfissat eqqarsaatigalugit ataqatigiinnermut aaqqissuussinerit assigiinngitsut nukittorsarnissaannut peqataarusoqaagut.

Aamma atuaruk Mittarfilioqatigiittussanut aningaasaliissutissat akuersissutigineqarput

MT Højgaard aamma Siemens peqatigalugit MP Pension ingerlatseqatigiiffiliorusuppoq, Namminersorlutik Oqartussat peqatigalugit mittarfiup Nuummiittup Ilulissaniittullu tallineqarnissaannut ingerlanneqarnissaannullu peqataarusupput.

Pilersaarutinut tunngaviupput Qaasuitsup Kimmuunianiittoq - Ilulissat Newport-projekti -  tassungalu pilersaarummut aamma Nuummi mittarfik ilaavoq.

Mittarfiup Qaqortumiittussap aningaasaliiffigineqarnissaa nikinnillu atuiffiunissaa imminut akilersinnaanersoq suliffeqarfiit maannamut suli misissuiffigisimanngikkaat Siemens Grønlandimi pisortaq Karsten Dahl oqarpoq.

- Nunat assigiinngitsut akornanni aalajangersakkat malillugit mittarfinnik ingerlatsinermi angalasut naammattut tunngaviusariaqarput. Pariarfissaavorli. Aammattaaq takorluukkatsinnut ilaapput mittarfiit inuttaqanngitsut ungasianiit aqunneqarsinnaasut. Imatut paasillugu mittarfiit allat inuttaqanngitsut Nuummiit aqunneqarsinnaapput. Sulinitsinnili maannakkut taamatut pilersaaruteqanngilagut, Siemensip Nunatsinni pisortaa Karsten Dahl oqarpoq.

Aamma atuaruk Mittarfiit pillugit pilersaarut akuersissutigineqarpoq

Aamma atuaruk Ilulissani mittarfiup tallinissaa pisariaqartinneqarpoq

Aningaasaliinissat pillugit suliffeqarfiit taakku pingasut Namminersorlutik Oqartussat suli toqqaannartumik attaveqarfigisimanngilaat. Nordisk Invisteringsbank aamma Grønlandsbanken ingerlatseqataanissamut aamma soqutiginnittut, Siemens aamma MP Pension KNR-imut oqarput.

Aningaasaliinissamut pilersaarutit saqqummiunneqarput,  namminersorlutik oqartussat pigisaannik piginneqatigiiffiliortoqarnissaa tallimanngormat aningaasaqarnermut akileraartarnermullu ataatsimiititaliaq akuersereersorlu. Taassuma mittarfiit Nuummiittoq, Ilulissaniittoq Qaqortumiittorlu pilersittussaavai.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat