Ingerlaqqittussat sivikinnermik utaqqisalissapput

Timmisartukkut angalasussat, Nunatsinniit Kastrupikkoorlutik Århusimut imaluunniit Ålborgimut ingerlaqqittussat, 45 minutsiinnaat Kastrupimiittussaagaluarlutik nassataat ilaatinneqartassapput.
Allattoq Elisa Isaksen
januaarip 13-at 2010 13:52

Air Greenlandip maannamut ukiup ataatsip missaani, angalasut SAS-ip timmisartuutaannik Aalborgimut imaluunniit Århusimut ingerlaqqittussat nassataasa ingerlateqqinneqarnissaat neqeroorutigisarpaa.

Siorna isumaqatigiissusiortoqarmat, isumaqatigiissutigineqarpoq timmisartorsuup tikinneraniit, ingerlaqqittussat aallarnissaannut 90 minutsit qaangiunnerisigut tamanna pisassasoq, taamaalilluni nassatanik misissuineq piffissaqarfigineqarniassammat. Maannalu misissuinissamut 45 minutsiinnaat piffissaliunneqartalissapput.

Taamaalilluni angalasut Aalborgimut aamma Århusimut ingerlaqqittussat, nassatatik apuuffimminni aatsaat tigusussanngorlugit, aallalernerminni tunniussinnaavaat, aamma Narsarsuarmiit angalasuugaluarunilluunniit. Soorlu Københavnimut nalunaaqutaq 22.05 apuuttut Aalborgimut Århusimulluunniit 22.55 ingerlaqqittassapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq