Inger Hauge nersornaaserneqassaaq

Atuakkanik tuniniaavimmik saqqummersitsivimmillu Atuagkat-nik piginnittuusimasoq Inger Hauge, Danmarkimi atuakkanik saqqummersitsisartut peqatigiiffiata nersornaasiuttagaannik sisamanngorpat nersornaaserneqassaaq.
Allattoq Louise M. Kleemann
maajip 20-at 2008 08:32

Atuakkanik tuniniaasartut peqatigiiffiata ”Foreningen for Boghåndværk”-ip 2008-mi ataqqinaammik nersornaat 71-inik ukioqangajalersumut Inger Hauge-mut tunniunniarpaa. AG ullumi saqqummersoq taamatut allaaserisaqarpoq.

Inger Haugep atuagaarniarfik Nuummi 1994-imi aallartippaa. Atuagaq saqqummersitaa siulleq tassaalluni ’Grønlandsguide’ tusagassiortup Phillip Lauritzenip atuakkiaa. Tamatuma kingorna atuakkat nunatsinni pingaaruteqartut arlallit saqqummersinneqarput, ilaatigut Aqqaluartaa Rosing-ip atukkiaa Siku tungujortoq aamma Vivi Lynge Petrussenip atuakkiaa Kalunnerit Inger Hauge-llu nammineq atuakkiaa Kalaallit Nunaanni iggavinnit, fra mit grønlandske køkken.

Ukiut arlallit matuma siornatigut Inger Haugep atuagaarniarfiutini Atuagkat tunivaa maannakkullu atuakkat saqqummersinneqartussat kisiisa aallunnerulerlugit.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq