Ingeniørit silap pissusaata allanngunnginnissaa qulakkiissavaat
- Atortut nutaat ineriartortinnissaat isumalluutissatsinni annersaavoq. Taamaattumik ingenørit suliami pingaaruteqarluinnartussaapput. Taakkuuppummi sakkunik atortunillu nutaanik ineriartortitsinissamut tunngavissarissaarnerpaasussat taamaasillutillu mingutsitsinermut millisaasussat, oqarpoq Kirsten Halsnæs atuagassiamut Ingeniørenimut.
Matumani pivakka atortut nutaaliat, tassaasinnaasut pærit innaallagissamik atuinikitsut imaluunniit innaallagissiorfiit aamarsuartortut, aamarsuarnik ikummarissaateqaatigalutik mingummik katersissuteqartussat.
Naalagaaffiit Peqatigiit silap pissusaa pillugu nalunaarusiorneranut atatillugu paasissutissanik siammarterinermi, Kirsten Halsnæs qitiusumik inissisimasunut ilaavoq. Kirsten Halsnæsip qularinngilaa, nunarsuarmi tamarmik sila marlussunnik kiannerulerumaartoq. Siunissarli pillugu Kirsten Halsnæsip iluaqusiisussatut immikkut taavaa sanaartornerup iluani ikummatissamik atuinikinnerpaanik illuliortoqartalernissaa.
-Tamatumani inuit naliginnaat peqataatilernissaat unamminartortaasussaavoq, suliassartarissavaa illugisami ikummatissamik atuinikinnerpaanngortitsinerup iluaqutissartaasa qaammarsaatiginissaa, oqarpoq Kisten Halsnæs.
