Ingasaassiniat kisimik iluaquserneqartut

Allattoq Najaaraq Egede
februaarip 05-at 2006 14:11

Danskit aallartitaqarfiinut ulluni kingullerni saassussinerit assuarineqaqaat.

Danskit nunanut allanut ministeriat Per Stig Møller ullumi nunarsuarmioqatigiinnut oqaaseqarnermini oqarpoq oqaloqatigiinneq kisimi aqqutissaasoq, pisullu taamaallaat ingasaassinianut iluaqutaasoq.

NATO generalsekretær Jaap de Hoop Scheffer oqarpoq, nakuusernerit pissutissaqanngilluartut. Tamakkiisumillu eqqugaasut ersoqatigigitik/misiginneqatigigitik erseqqissaatigalugu.

Tyrkiet premierministeriat Erdogan, oqarpoq pisut kulturit assigiinngitsut paaseqatigiinnerulernissaannik suliniutinut aserorsaataasut.

Taamaattumik naalagaaffiit allamut attaveqartarnitik pitsanngorsassavaat isumaqatigiinniarlutillu, oqarpoq.