Inga Dora nunat avannarliit killiit inatsisartuisa suleqatigiiffianni pisortanngorpoq
Siunnersuisoqatigiinni siulittaasup Savalimmiuni Lagtingemi ilaasortap Unnur Brá Konradsdottirip Inga Dóra Gudmundsdóttir Markussenimik
suleqateqarnissani qilanaaraa, taanna tusagassiorfinni sulinermik attaveqatigiinnermullu pilersaarusiornermik misilittagaqarluarmat.
Siunnersuisoqatigiit allaffeqarfianni pisortanngorlaap angutaa Islandimiuuvoq arnaa kalaaliulluni oqaatsillu taakkua ilisimaarilluarpai takkualu saniatigut qallunaatut tuluttullu oqaluttarpoq aamma nunani avannarlerni killerni inuiaqatigiinni pissutsit ilisimaarilluarlugit, siulittaasoq taama erseqqissaavoq.
Inga Dóra Gudmundsdóttir Markussenip pisortatut atorfinitsinneqarnermi kingorna oqarpoq, allaffeqarfimmi pisortatut sulinermini nunat avannarliit killiit soqutigisaat qulakkeerneqarumaartut issittumi pissutsit nunanit tamanit isiginiarneqarnerat annertusiartortillugu.
Nunat Avannarliit Killiit Siunnersuisoqatigiiffiani allattaaneq nutaaq
Nunat Avannarliit Siunnersuisoqatigiiffiata ataatsimoornissaa polikikkullu oqallittoqarnerani peqataanissaa pingaaruteqartoq, Inga Dóra Gudmundsdóttir Markussen oqarpoq.
Nunat Atlantikup avannaaniittut soqutigisaat isumagisariaqarpavut, nunarsuaq tamakkerlugu suliniaqatigiiffiit suleqatigineqartut eqqarsaatigalugit, soorlu EU-mik Issittumi Siunnersuisoqatigiinnik aamma issittumi inatsisartuni ilaasortanik suleqateqarneq eqqarsaatigalugu, Inga Dóra Gudmundsdóttir Markussen oqarpoq, taassuma ilanngullugu oqaatigaa ilinniagaqartut ilinniarnerminni piffissap ilaani, nunat avannarliit killiit ilinniarfiini ilinniarsinnaanerisa ajunnginnerusumik periarfissinneqarnissaa suliniutiginiarini.
Nunat Avannarliit Killiit Siunnersuisoqatigiiffiat 1985-mi pilersinneqarpoq - nunat avannarliit killiit inatsisartuini ilaasortat suleqatigiiffiattut tassanilu ilaasortaapput Savalimmmiuni Lagtingemi, Islandimi Altingemi Kalaallit Nunaannilu inatsisartuni ilaasortat.