Influenza A Danmarkimut apuuppoq

Puulukit nualluutaat influenza A-mik maanna taagorneqalersoq Danmarkimut ullumi annguppoq. Arnaq inuusuttoq Sjællandimeersoq New Yorkimeereerluni apriilip ulluisa 29-ianni tikimmat kingorna paasineqarpoq, nualluummik ulluni makkunani tusarsaaqisumik tunillanneqarsimasoq.
Allattoq Najaaraq Egede
maajip 01-at 2009 16:18

Arnaq tikereerluni nukini anniarilersimavai quersoqalunilu. nakornarneqareerlunili maanna qaangileraa oqaatigineqarpoq.

Arnarli angerlarsimaffimminit maajip arfernata tungaanut aneqqusaanngikkarpoq. Maanna aamma arnap timmisartorsuarmi ilaaqatigisimasai misissorneqarnissaat siunertaralugu attavigiortorneqarput, Danmarkimi Peqqinnissamut Qullersaqarfimmi pisortaq Jesper Fisker oqarpoq.

Taamaakkaluartoq puulukit nualluutaata tunillaassuutipiloornissaanik aalleqquteqarneq millisarneqalerpoq, naak tusarneqareeraluartoq Mexicomi aallartikkamili inuit 15-it maannamut toqqutigigaat allallu 328-t nualluutigileraat.

- Qujanartumik puulukit nualluutaat, timmissat nualluutaatulli perulunnartiginngilaq. Tunillaatiasuugaluarlunimi nakorsaruminartuuvoq, Mexicomi peqqinnissamut ministeri Jose Angel Cordova ullumi oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq