Inernerit suli nalunaarutigisinnaanngilaat
Zimbabwemi naalakkersuisunut illuatungiliuttut eqqartuussiviilluunniit aqqutigalugit qinersinerup inernera pisortatigoortumik nalunaarutigitissinnaanngilaat, naalagaaffiup eqqartuussisuunerata tamanna itigartitsissutigimmagu.
Allattoq Najaaraq Egede
Naalakkersuisunut illuatungiliuttut, Demokratii naapertorlugu allannguiniartut, præsidentimut qinigassanngortitaat, Morgan Tsvangirai nammineq ajugaagaluarluni oqarpoq, taasisullu 50 procentiinit amerlanerusut qinersimammanni qinersisoqaqqittariaqanngikkaluartoq.
Alaatsinaattulli oqaatigaat manna tikillugu præsidentiusoq, Mugabe ajorsarunaraluarluni, taamarsuaq ajorsanngitsoq.