Inatsisartunut qinersineq ippassaq unnukkut naammassimmat naatsorsuisoqareermallu unnulluarnerani kommunit taasinerit inernerinik tulleriiaaginnangajallutik saqqummiussisarput, ilaatigut KNR-TV-kkut toqqaannartumik aamma malinnaavigineqartunik.
Nuummili qinersivik kingullerpaalluni unnuamut utaqqineqarpoq, aatsaallu nalunaaqutaq marlungulivissoq naatsorsuinerit naammassineqarlutik.
Qanoq pisoqarsimanersoq qinersinermi aqutsisumut Martha Abelsenimut paasiniarparput, imalu nassuiaavoq:
– Nuummi taasinerit 7.600-t missaanniittut ippassaq unnukkut naatsorsorneqarput, taamalu amerlatigimmata allatut ajornartumik kommunemi kukkusoqannginnissaa pillugu immikkut iliuuseqarsimavugut. Martha Abelsen nassuiaavoq.
Aamma nassuiaavoq, skemat immikkut sananeqartut, atuaaqqinnermi (qarasaasiamut ikkussuinermi) valgnævnimut nalunaarusiornermi iluatsinngitsoortarsimasut.
- Naatsorsuinerit pinngitsoornani marloriarluni assigiiginnarnik inerneqartussaapput, aatsaallu tallimassaanik atuaaqqinnermi iluatsitsivugut. Taamaattumik naammassiniarnerput taama sivisutigisimavoq. Martha Abelsen oqarpoq.
Martha Abelsen taama oqarpoq.
Nuummi qinersivik aatsaat kingusissukkut naammassilinngilaq, sukkanerusumik naammassisinnaanissaq anguniarlugu qanoq iliuuseqartoqassava ?
- Valgbestyrelsep systemip (naatsorsuutip) pitsaaqutaa ajoqutaalu tulliani ataatsimiinnissamini oqaluuserissavaa, taamaalilluni qanoq iliornikkut sukkanerusumik naammassisoqarsinnaanissaa nalilersorneqassalluni. Tamatumunnga tunngasut valgnævnimut kingusinnerpaamik novemberip 18-iani nalunaarutigineqassaaq. Martha Abelsen oqarpoq.