Inerisaavik sipaarniarfigineqalerpoq

Ilinniaatsinut Instituti Inerisaavik aappaagumiit januaarip aallaqqaataaniit 5 millioni koruuninik sipaarniarfigineqalerpoq. Aningaasanut inatsisissatut siunnersuut nutaaq naapertorlugu Naalakkersuisut taama siunnersuuteqarput.
Allattoq Louise M. Kleemann
oktobarip 21-at 2008 10:45

- Atuarfitsialaap piviusunngortinniarnerani siunnerfiusut ungasinnerulissapput, ajornerulissallutillu, Inerisaaviup pisortaa Jens Jakobsen naliliivoq:

- 2009-mi ilinniartitsisut ilinniaqqittussat 15-it taamaatiinnartariaqassapput, taavalu atuartitsissutinik ilikkarfiulluisunik piviusunngortitsiniarnerput ilinniartitsisunut 100-t missaanniittunik atuartunullu 1500-ut missaanniittunut sunniuteqartussaassooq. Ilinniusiat qulit missaat sipaarfigisariaqassuagut, taavalu ilinniartitsisunik pikkorissaasarnerit eqqorneqassapput kiisalu ilikkagassanut anguniagassanut siunnerfiusut iluarsartuuteqqinissaat ukiunik pinasunik kinguartittariaqassavarput, Inerisaavimmi pisortaq Jens Jakobsen taama oqarpoq. Inerisaavimmut aningaasaliissutit ukiumut 51 millionit koruuniupput.

Ilinniaatsinut Institutti atuarfinnut ilinniartitsisunillu pikkorissaasarnernik siunnersuisarnernillu ingerlataqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq