Assi: Nauja Møller

AS Ineriartortitsisoqarlunilu nalitunerulersitsisoqarli

Nunarsuarmi akit MSC-miillu meqqilersuineq raajat nalitunerulernerinut peqqutaasut, Aningaasaqarnermut Siunnersuisoqatiigiit naliliipput. Aalisarnikkulli inuussutissarsiuteqarneq sunnertiammat allatigut ineriartortitsisoqarlunilu aalisakkanut nalitunerulersitsisoqarnissaa kaammattuutigaat.

Raajartat ukiuni kingullerni ikileriarsimapput, ilaatigut Naalakkersuisut pisassiissutaat ikileriartarmata. Aappaatigulli nunarsuarmi raajanut akit qaffakkiartorlutik.

Raajat akitsoriartornerinut MSC-mik meqqilersuineq peqqutaaqataasinnaasoq, Aningaasaqarnermut Siunnersuisoqatigiit nalunaarusiaminni saqqummeqqammersumi naliliipput.

Peqqutaasinnaasut

- Raajat akitsornerat malunnaqaaq. 2010-mit ullumimut eqqarsaatigalugu akit 80%-imik qaffannikuupput, aningaasaqarnermut siunnersuisoqatigiit siulitaasuat Torben M. Andersen oqarpoq.

Tamannali kisimi aningaasaqarnermut siuariartortitsinngitsoq taanna isumaqarpoq.

- Akit taama ineriartorneri assigiinngitsorpassuarnik peqquteqarput. Nunarsuarmi aalisakkat akitsoriartorput, MSC-nillu meqqilersuinerit aamma peqqutaaqataallutik.

Aningaasaqarnermut siunnersuisoqatigiit siulittaasuaata naqissuserpaa Nunatsinniit aqunneqarsinnaanngitsunut pituttorsimagatta, tassalu Nunarsuarmi akit allanngorarnerannut.

Sunnerneqajavoq

- Maanna piffissami sivisujaami akigissaartitsineq atuuppoq, aammali ineriartorneq illuanut aallarsinnaavoq. Tamassuma takutippaa qanoq aalisarnermik inuussutissarsiorneq sunnerneqajatiginersoq, Torben M. Andersen oqarpoq.

Nunattalu aningaasaqarneranut ajalusoortitsisumik, nunarsuarmi akit appariartoqqilersinnaasut  aamma taassuma oqaatigaa. Taamaattumik politikkerinut siunnersuuteqarpoq:

- Aalisarnermik inuussutissarsiutteqarneq pingaaruteqartorujussuuvoq, apeqqutaavorli aalisarneq qanoq ineriartortinneqarsinnaanersoq, maanna aalisarneqreersut naleqarnerulersillugit, Torben M Andersen oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat