Ineriartornermik Kujataani pilersitsiniarput

Piginneqatigiilluni Inuussutissarsiornermi Ineriartortitsivimmik pilersitsinissamik Kujataani isumaliortoqarnera, Kujataani Kommunit Suleqatigiiffiata siulittaasuanit, Narsap borgmesterianit, Kiista P. Isaksenimit, nassuiaatigineqarpoq.

Kiista P. Isaksen oqarpoq, inuussutissarsiutit pillugit pisariaqartitsinertik kommunini pingasuusuni qangali paasereersimagitsik. Kujataani ineriartortitsinissaq ukioq 2003 tikillugu pingaartillugu eqqarsaatigineqarsimasoq unnerpaa, nunap immikkoortuani suliassat qanoq iliorlutik suleqatigiissutigisinnaaneritik eqqarsaatigalugu. Inuussutissarsiutinik ataatsimoortumik ineriartortitsinermi aamma ataatsimoorfigisariaqarlugu Kiista P. Isaksen oqarpoq.

- Isumasioqatigiissitsinermi tunngavissatsinnik peqalersussaassaagut, selskabimik aallartitsinitsinni suliniutit aallartittussatimmikkut illoqarfikkuutaarluta unammiunnaarluta kujataani immikkoortunngorluta anguniagqalernissarput Ineriartortitsiviup suliarisussaassavaa, Narsap borgmesteria oqarpoq.

Nanortalik, Qaqortoq aamma Narsaq ingerlatsisuussasut Kiista P. Isaksen oqarpoq.