Toqqorsivimmit: Nunatsinni inissiat 10.000-it INI A/S-imit Iserimmillu aqunneqarputAssi: Simon Uldum

Ineqartut anisitaannginnissaannut iliuutsit INI-p Iserillu isumassarsiorfigigaat

Københavnip kitaatungaani inissiaatileqatigiiffiit suleqatigiiffiata Nunatsinni inissiaatileqatigiiffiit innuttaasut inigisaminnit anisitaannginnissaanik suliniuteqarneranni ikiorsimavai. Danmarkimi inissiaatileqatigiffiit atuagassiaat 'Boligen' taama allaaserisaqarpoq.

Namminersorlutik Oqartussat akiitsut ineqartunillu anisitaasoqarnissaanik pinaveersaartitsineq pillugu oktobarimi ataatsimeersuartitsimmata Danmarkimi inissiaatileqatigiiffimmi BO-Vestimi aningasaatigut siunnersortit Nunatsinnilu inissiaatileqatigiiffiit INI-p Iserillu peqataapput.

Siunnersortit BO-Vestimeersut ineqartut anisitaaqqajaasut aningaasatigut siunnersorneqartarnerat pillugu misilittakkatik ataatsimeersuarnermi oqaluttuaraat. Atuagassiarlu Boligen naapertorlugu ineqartunut ornigulluni aningaasatigut siunnersuisarneq soqutigineqarluarpoq.

Nunatsinni inissiat 11.000-it missaat Iserimmit INI-millu aqunneqarput, BO-Vestillu inissiat 10.000-it aqutaralugit. Tassa inissiat aqutarisaat amerlaqatigiipajaarput. Inoqutigiit 255-it Iserimmit INI-miillu 2015-imi anisitaasimapput BO-Vestillu inoqutigiit 15-iinnaat anisittariaqarsimallugit.

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat