Ineqartut akiliinerulersinnaapput

Nuummi inissiarsuit ilaata Tuapannguaniittup blok T-p inueruteriarlugu 40 million koruunit atorlugit nutarteriarlugu maanna iserterfigineqarsimalertup serlersaarfigineqartarnera najugaqartunut kingunerlussinnaavoq. Inissiat katillugit 52-it iserterfigineqarsimalerput, silataanili allaasaasaqattaarnerit piaartumik unitsinneqanngippata ineqartut akiliutaat qaffanneqartariaqassasut, Ineqarnermut Pisortaqarfimmi immikkoortortami pisortaq Olafur P. Nielsen oqarpoq:

- Najugaqartut ullut 14-it matuma siornagut iserterput, aserorterisoqartalereerlunilu. Olafur P. Nielsen oqarpoq.

Aamma oqarpoq, allaasagarpassuit peeqqullugit Inissiaatileqatigiiffimmut INI-mut saaffiginnissutigissallugit, inissiarsuaq nutarteriigaq taamaaliorfigineqarsimanera akueriumanagu.

Allaasaasoqartuassappat ineqartunut kingunerlussinnaavoq, najugaqartut akiliutaat qaffanneqartariaqalersinnaallutik.

- Allanik akiliisussaqanngilaq, akiliisussallu tassatuaapput najugaqartut. Olafur P. Nielsen erseqqissaavoq.

Najugaqartut aamma kaammattorpai, meeqqatik ajornartorsiutit pillugit oqaluuteqqullugit, allaasaasartullu aqqaneq-marluk 14-illu akornanni ukioqassagunartut kikkuunersut paasiniarlugu marsiataaqqullugit.