Iqalunni angerlarsimaffeqanngitsut illoqarfiup avataatungaani tupertariaqartarput.Assi: Fiona Paton/Flickr Creative Commons

Nunavut Ineqarniarneq nutaamik periusissiornikkut iliuuseqarfiginiaraat

Canadap issittortaani ineqarniarneq ajornartorsiutigineqartutut nalunaarutigineqarpoq. Taamaattumik naalagaaffimmi inuit suleqatigiiffiat, Inuit Tapiriit Kanatami, ineqarnermut periusissiamik nutaamik saqqummiussivoq.

Inuit Tapiriit Kanatami siulitaasuat, Natan Obed, periusissiami oqarpoq ineqarniarneq massakkut naalagaaaffimmut tamarmut ajornartorsiutigineqartoq.

Nalunaarsueqqissaarnermi kisitsisitigut taperserneqarpoq. Inuit Canadap issittormiuisa affaat sinnerlugit ineqarfinni inuttaqarpallaartuni najugaqarput, Inuillu pingajorarterutaat ineqarfinni aserfallassimaqisuni najugarput.

Canadap issittortaani sumiiffinni arlalinni Inuit amerlasuut ukiut tresit qaangiummata suli tuperni, illuni issunik ujaqqanillu qarmalinni imaluunniit illuikkani najugaqarput. Aatsaat 1950-ikkut naajartornerini Inuit nunaqarfinni illoqarfinnilu katersuullutik najugaqartalerput.

Taamanili ineqarfiit naammattut, aningaasatigut inornanngitsut peqinnartullu ajornartorsiutigilersimavaat.

Tamanna inooqatigiinnikkut, aningaasaqarnikkut peqqissutsikkullu atugarissaarnissaannut pitsaanngitsumik sunniussimavoq.

AAMMA ATUARUK Canadami angerlarsimaffeqanngitsut illuaraliuunneqartut

Periusissiami inearfinnik nutaanik sanaartornissamut aningaasaliinissaq kissatigineqarpoq, ineqarfiilli Inuit kulturiannut inooqatigeeriaasiannullu pisarnermit tulluarsagaanerussapput.
 
Periusissiaq naapertorlugu aamma pingaaruteqarpoq sanaartornermik ilinniarnernik sumiiffinni inuit amerlanerusut ilinniartinneqarnissaat, taamalu sulisussanik qautigoornerusumik tikisitsisoqartalissammat.

Ineqarneq pillugu periusissiami erseqqissarneqarpoq annertunerusumik sukkanerusumillu qanoq iliuuseqarneq pisariaqartoq, tassami ukiut ikittunnguit ingerlanerini meeqqat inuusuttullu amerlaqisut nammineerlutik ineqarnissaminnik pisariaqartitsilissammata.
 
Ineqarnermut periusissisaq ukiut marluk ingerlanerini suliarineqarpoq, inuillu suleqatigiiffiata Canadamilu naalakkersuisut akornanni suleqatigiissutigineqarluni. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat