Ineqarnermut suliaq Namminersorlutik Oqartussat Kommuneqarfik Sermersuullu akornanni saqitsaassutaasoq ingerlateqqinneqartussanngorpasilerpoq. Suliarmi taanna Kommunit Nakkutilliisoqarfiannut suliassanngortinneqarpasilerpoq.Assi: KNR / Malik Brøns

Ineqarnermut suliaq Nakkutilliisunut suliassanngortinneqarpasilersoq

Kommunit Nakkutilliisuisa ineqarnermut suliaq Namminersorlutik Oqartussat Kommuneqarfik Sermersuullu akornanni saqitsaassutaasoq suliarisussanngorsinnaavaat.

Kommunit Nakkutilliisuini ilaasortat ineqarnermut suliamik Namminesorlutik Oqartussat Kommuneqarfik Sermersuullu akornanni saqitsaassutaasumik novembarimi suliaqarnissamut aggersarneqarsinnaapput.

Namminersorlutik Oqartussat kommunip inissianik innuttaasunut nalinginnaasunut attartortitseqqiisarsimanera inatsisinik unioqqutitsinerunersoq misissorpaat.

Illuatungeriit marluk akornanni saqitsaanneq 2019-imi upernaami aallartippoq. Namminersorlutik Oqartussat kommunilu eqqartuussissuserisunik suliamik aamma misissuisitsipput. Taakkua inatsit unioqqutinneqarsimanersoq kommunilu aningaasaqarnikkut illersorneqarsinnaasumik iliornersoq isumaqatigiinngissutigaat.

AAMMA ATUARUK Namminersorlutik Oqartussat Kommuneqarfik Sermersuullu inissianik attartortitseqqiisarneq saqitsaatigigaat

Suliap Kommunit Nakkutilliisuinut maanna suliassanngortinneqarsinnaanissaa Naalakkersuisut oktobarip ulluisa arfineq-pingajuanni akueraat. Tamanna ataatsimiinnermit eqikkaani allassimavoq.

Suliamili allakkat Nakkutilliisunut suli nassiunneqanngillat.

- Nakkutilliisut Allattoqarfiata atortussat Nakkutilliisunut nassiunneqarnissaanut piareersarpoq, Klaus Georg Hansen nunamut imminermut immikkoortortaqarfimmi pisortaq oqarpoq.

Suliaq pillugu paasissutissat

 

Nunamut Namminermut Immikkoortortaqarfiup Kommuneqarfik Sermersooq inissianik aalajangersimasumik najugaqarfissanik amigartooruteqarfiusumik attartortitsisarnermik unitsitsissasoq februaarimi peqqussuteqarfigaa.

 

Nakkutilliisoqarfik taamaaliorneq pisortat inatsisaanni malittarisassanik atuuttunik unioqqutitsinertut nalilermagu peqqussuteqarpoq.

 

Kommuni inissianik 2015-imili attartortitseqqiisalerami inissianik 416-inik attartortitseqqiivoq.

 

Nunamut Namminermut Immikkoortortaqarfik tamanna pillugu suliamik Kommunit Nakkutilliisoqarfiannut ingerlatitseqqeeratannginnermini suliaq pillugu paasissutissanik allagaatinillu suli pissarsiuleruttorpoq.

 

Nunamut Namminermut Immikkoortortaqarfik Naalakkersuisut Siulittaasuata Naalakkersuisoqarfiata ataani inissisimallunilu Kommunit Nakkutilliisoqarfiannut allattoqarfiuvoq.

 

Nakkutilliisoqarfiup kommunalbestyrelsit ingerlatsinerminni aqutsinermut inatsimmi malittarisassanik naapertuinersut pisortallu inatsisaanni malittarisassat atuuttut naapertorlugit ingerlatsinersut nakkutigisarpai. 

 

Tusarfik: Naalakkersuisut Siulittaasuata Naalakkersuisoqarfiata allakkatigut peqqussutaa aamma naalakkersuisut.gl 

 

Immikkoortortaqarfik Kommunit Nakkutilliisuinut allattoqarfiuvoq. Immikkoortortaqarfiup pisortaata oqarnera naapertorlugu Nakkutilliisut suliami soqqissaat misissussaneraat nunamut imminermut immikkoortortaqarfiup maanna paasiniarpaa.

- Nakkutilliisunit suliap isumagineqarnissaa pillugu  ataatsimiinnissamut novembarimi aggersaasoqarnissaa naatsorsuutigaara, Klaus Georg Hansen oqarpoq.

Ineqarnermut isumaqatigiissutit amigartoorutaasut

Kommunip inissiat namminersortunut aningaasaliisartunut 2015-imi attartortittarpai

Kommunip Nuummi inissaaleqineq iliuuseqarfiginiarlugu, namminersortut inissiaataannik 2015-imi attartortitseqqiisalerpoq.

Kommunilli namminersortunut attartortitsisarnermut isumaqatigiissutaanut aningaasartuutit ineqartut akiliutaannit amerlanerupput. Taamaammat attartortitsinermut isumaqatigiissutinut tamanut amigartooruteqarnerminik matussusiisariaqarpoq.

Tamannalu Namminersorlutik Oqartussat kommunimut unitseqquaat. Tamanna Namminersorlutik Oqartussat pisortat inatsisaanni malittarisassanik atuuttunik unioqqutitsisoqarnermik pasitsaassaqarnerannik pissuteqarpoq.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat