Ineqarnermut Naalakkersuisoq inissianik sanaartornialerpoq
Taamaattumik inissianik minnerusunik akikinnerusunillu sanaartornialerpoq.
- Akissakitsunut akunnattumillu akissalinnut tulluartunik inissialiortoqarnissaa kingunerissavaa. Titartarneqareerput, taamaattumik titartaaqqinnissamut aningaasanik atuisoqaqqissanngilaq, tusagassiuutinut Knud Kristiansen taama pilersaarutini anguniakkanilu allaaserai.
Naalakkersuisorlu aamma eqqaavai, sinerissami sanaartornerit siammarterneqassasut aasami kisimi suliarineqaratik kisianni ukioq tamaat suliarineqartalissasut.
Taannimi isumaqarpoq maannakkut ingerlariaaseq umiarsuit angalanerannut killeqaqisumi sungiusimasat maliinnarlugit isumalioriaasaasoq.
Knud Kristiansenimmi inissiaatitta aserfallatsaaliorneqarnissaanik pisariaqartitsineq annertooq iliuuseqarfiginiarpaa.
Aammattaaq sooq inissiat aserfallatsaalerneqanngikkaluarlutik akitsoriartornerat misissoeniarpaa.
- Ataqatigiittoqanngilaq. Paasinassagaluarpoq aserfallatsaaliorneqarnerup kingorna akit qaffappata, Knud Kristiansen oqarpoq.