Ineqarneq juunip qaammataani akikinnerulaassaq
A/S Inissiaatileqatigiiffik INI ingerlatsinermi maanna sinneqartooruteqarpoq, sinneqartoorutillu erniaasa tunngavigalugit ineqarnermut akit atuutsinneqartut appartinneqarsinnaalerlutik, tassa erniat tunngavigalugit agguaassisoqarniarami.
Allattoq Mads Lynge
Ineqarnermut juunip qaammataanut akiliutigineqartussaq appartinneqassaaq, 150 koruuninik 242 koruuniniluunniit appartinneqassagami. Ineqarfimmi immikoortortap allaffissornermut akiliutigisartagaata annaertussusaa naapertorlugu appaasoqassaaq. 2008-mut missingersuutini tamanna atuarneqarsinnaavoq.
Aningaasat agguaanneqartussat 2,3 millioni koruuniupput.
Agguaassineq pillugu annertunerusumik paasisaqarusukkuit A/S INI-p nittartagaanut iserlutit takusinnaavat, inissiaatileqatigiiffiullu ukiumut nalunaarutaa atuarlugu.
Inissiaatileqatigiiffiup nittartagaa tassaavoq: www.ini.gl