Atuisunut akit Ineqarneq akikinnerusoq – neqi akisunerusoq
Neqi, angalaneq, ineqarnermut akit. Atuisunut akit assigiinngitsorpassuupput, aningaasartuutit ilaat qaffapput ilaallu apparlutik. Ataatsimulli akit qaammatini arfinilinni taamaallaat 0.1 procentimik qaffaateqarput, qaffannerlu ukiuni tallimani aatsaat taama annikitsigaaq. Naatsorsueqqissaartarfik taama nalunaaruteqarpoq.
Pisiniarfinnili Pisiffimmi Brugsenimilu niuerniartillutit akit qaammatini arfinilinni qaffalaaminernerat malugisinnaassagit ilimananngilaq.
Neqit akii qaammatini arfinilinni 3.5 procentimik qaffapput, naatsitallu akii 1.9 procentimik qaffallutik.
Ineqarnermulli akiliutigisartakkavit allannguuteqarnera malugisinnaasimassavat. Ineqarnermummi akit 1.6 procentimik apparput.
Naatsorsueqqissaartarfiup nittartagaani annerusumik atuagaqarit.
AAMMA ATUARUK Ikummatissat akii apparneqartut